4 patay sa sunog sa Bacoor; 86 na pamilya ang naapektuhan
Apat ang nasawi sa sunog na naganap sa Brgy. Talaba II sa Bacoor, Cavite.
Ayon sa mga opisyal ng barangay, kabilang sa nasawi ay pawang mga bata.
Sinabi ng Bacoor Disaster Risk Reduction and Management Office, naganap ang sunog madaling araw ng Biyernes (Dec. 15) sa bahagi ng Sitio Lati.
Tinatayang 70 bahay ang natupok at aabot sa 86 na pamilya ang naapektuhan.
Pansamantala silang namamalagi sa Talaba 4 Elementary School.
Naideklarang fire out ang sunog 5:21 ng umaga ayon sa Bureau of Fire Protection Bacoor.
Patuloy pa ang imbestigasyon sa kung ano ang pinagmulan ng apoy. (DDC)
