Pinay at 3 anak, nakauwi na ng bansa matapos mamalagi sa shelter sa Saudi ng mahigit 2 taon

Nakauwi na ng bansa ang Filipino-Sudanese na si Fairdoz Mohammad kasama ang tatlo niyang anak.

Ang mag-iina ay namalagi sa temporary shelter ng Consulate General sa Jeddah, Saudi Arabia ng mahigit 2 taon.

Iprinoseso ng Philippine Consulate General sa Jeddah ang repatriation flight sa ginang at kaniyang mga anak matapos makumpleto ang kinakailangang travel documents.

Nakauwi sila ng Pilipinas lulan ng Emirates Airlines flight EK802.

Maliban sa pagsagot sa flight tickets ng mag-iina, tinulungan din sila ng Consulate General sa pag-proseso sa kanilang final exit visas, iba pang civil registration documents at pasaporte. (Dona Dominguez-Cargullo)