MRT-3 magpapatupad ng shortened schedule sa Pasko at Bagong Taon

Tuloy-tuloy ang magiging operasyon ng MRT-3 sa Pasko at Bagong Taon.

Sa inilabas na schedule ng MRT-3, ipatutupad ang regular weekday schedule sa linya para sa Disyembre 15, 18 hanggang 22, 26 hanggang 29, 2023 at Enero 2 hanggang 3, 2024.

Samantala, weekend schedule naman ang paiiralin para sa Disyembre 16, 23, at 30, habang regular Sunday schedule ang oobserbahan sa Disyembre 17.
Adjusted naman ang operating hours para sa bisperas ng Pasko at bisperas ng Bagong Taon; gayundin sa araw mismo ng Pasko at Bagong Taon.

Sa Dec. 24 at Dec. 31, ang last trip para sa North Avenue ay 7:45 ng gabi at 8:23 ng gabi naman sa Taft Avenue. 4

Sa araw naman ng Pasko at Bagong Taon, ang unang biyahe ng tren sa North Avenue at sa Taft Avenue ay 6:30 AM. (DDC)