MMDA nagkasa ng clearing operations sa ruta na daraanan ng MMFF Parade of Stars

Nagsagawa ng clearing operations ang Metropolitan Manila Development Authority (MMDA) Special Operations Group-Strike Force sa ruta na daraanan ng MMFF Parade of Stars.

Ang parada ay isasagawa sa Sabado, Disyembre 16.

Inalis ng mga tauhan ng MMDA ang mga sasakyan na iligal na nakaparada at iba pang uri ng obstruksyon sa mga lansangan ng Caloocan, Navotas, at Malabon.

Tinatayang nasa 81 illegally-parked vehicles ang nahuli ng MMDA sa mga nasabing lugar.

Samantala, patuloy din ang araw-araw na clearing operations ng MMDA sa Mabuhay lanes na nagsisilbing alternatibong ruta ng mga motorista na gustong umiwas sa EDSA.

Ang parada ng mga floats ay magsisimula sa Navotas Centennial Park, C-4 Road, Samson Road, at Mc Arthur highway hanggang makarating sa Valenzuela People’s Park kung saan gaganapin ang main event. (DDC)