Las Piñas LGU employees na nagserbisyo ng mahigit 40-taon pinarangalan

Kinilala at pinarangalan ng Pamahalaang Lungsod ng Las Piñas ang mga kawaning nagserbisyo ng mahigit 40 na taon, sa ginanap na lingguhang pagtataas ng watawat ng Pilipinas sa Las Piñas City Hall ground nitong Lunes, December 11.

Personal at malugod na iginawad ni Vice Mayor April Aguilar ang mga Plaque of Recognition sa mga natatanging empleyado na nagpamalas ng kanilang hindi matatawarang serbisyo at katapatan sa trabaho sa lokal na pamahalaan.

Bukod sa parangal, tumanggap din ang mga dedikadong kawani ng mga regalo para sa kanilang mahabang taon sa serbisyo.

Nagtapos ang seremonya sa isang malakas na mensahe ng pagkakaisa at dedikasyon kaalinsabay ng pagdiriwang sa hirap ng trabaho at pangako ng mga taong nagtatrabaho sa Las Piñas City government.

Nagpapakita rin ito ng malakas na diwa sa komunidad at karangalan sa lungsod.

Samantala, naghatid naman ng kasiyahan sa lahat ang espesyal na pagtatanghal ng mga kawani mula sa Office of the City Prosecutor. (Bhelle Gamboa)