Apat na miyembro ng K-pop girl group na BLACKPINK nag-renew ng kontrata sa YG Entertainment

Nag-renew ng kontrata sa YG Entertainment ang lahat ng miyembro ng K-pop girl group na BLACKPINK.

Sa pahayag ng YG, sinabi nitong nakumpleto na ng board ang resolusyon para sa renewal ng kontrata ng grupo na binubuo nina Jennie, Rose, Jisoo, at Lisa.

Ang pitong taon na kontrata ng BLACKPINK sa YG Entertainment ay na-expire na noong Agosto.

Umugong pa ang mga haka-haka na maghihiwa-hiwalay na ng landas ang apat.

Simula noon ay nagpatuloy ang negosasyon para sa pagpapalawig ng kontrata ng grupo.

Noong nakaraang taon, inilabas ng BLACKPINK ang kanilang comeback album na “Born Pink”. (DDC)