Bus nahulog sa bangin sa Antique, 16 ang nasawi

Patay ang labinganim na katao makaraang mahulog sa bangin ang isang pampasaherong bus sa Hamtic, Antique.

Nangyari ang aksidente hapon ng Martes (Dec. 5) sangkot ang pampasaherong bus ng Ceres.

Sa update mula sa Antique Provincial Government, nilinaw nito ang naunang naglabasang ulat at sinabing 16 ang kumpirmadong nasawi sa aksidente.

Mayroon pang 8 biktima ang nasa kritikal na kondisyon sa mga ospital sa Iloilo.

Habang 4 sa mga nasugatan ang stable na ang kondisyon.

Ayon sa Antique PDRRMO na-retrieve na ang lahat ng visible bodies sa lugar na pinangyarihan ng aksidente.

Galing ng Iloilo ang Ceres Bus at patungo sana sa San Jose, Antique.

Pagsapit sa Brgy. Igbucagay sa bayan ng Hamtic ay nawalan ito ng kontrol at nahulog sa bangin. (DDC)