Pasok sa munisipyo at mga paaralan sa Pangil, Laguna nasuspinde dahil sa bomb threat

Nasuspinde ang pasok sa lahat ng antas sa mga paaralan at maging ang pasok sa munisipyo sa bayan ng Pangil sa lalawigan ng Laguna dahil sa bomb threat.

Ayon kay Pangil Mayor Gerald Aritao, umaga ng Martes (Dec. 5) nang makatanggap ang lokal na pamahalaan ng bomb threat mula sa hindi pa nakikilang indibidwal.

Agad na nakipag-ugnayan ang LGU sa Laguna Police Provincial Office upang imbestigahan ang insidente.

Nagpadala naman ng bomb squad ang Laguna Police at nag-inspeksyon sa mga paaralan kasama ang mga tauhan ng Armed Forces of the Philippines (AFP).

Ayon kay Aritao, idineklarang cleared sa bomba ang Pangil Elementary School (PES).

Hinimok naman ng alkalde ang mga residente sa bayan na huwag maniwala sa mga kumakalat na fake news. (DDC)