Pangulong Marcos nagpositibo sa COVID-19

Nagpositibo muli sa COVID-19 si Pangulong Ferdinand Marcos Jr.

Ayon sa Presidential Communications Office (PCO), pinayuhan ang pangulo ng kaniyang doktor na sumailalim sa limang araw na isolation period.

Tiniyak naman ng PCO na magagampanan pa din ng pangulo ang kaniyang mga tungkulin at makadadalo ito sa mga naka-schedule na pulong sa pamamagitan ng teleconference.

Ngayong holiday season pinaalalahanan ng pangulo ang publiko na boluntaryong magsuot pa din ng face mask.

Lalo na aniya kung magtutungo sa mga matataong lugar. (DDC)