Pagsabog sa Marawi City kinondena ni Pang. Marcos

Kinondena ni Pangulong Ferdinand Marcos Jr. ang pagpapasabog na naganap sa Mindanao State University (MSU) sa Marawi City noong Linggo.

Ayon sa pangulo, ang krimen ay kagagawan ng dayuhang terorista.

Nagpaabot ng pakikiramay ang pangulo sa pamilya ng mga nasawi sa insidente.

Tiniyak din ni Pangulong Marcos na nakikipag-ugnayan ang pamahalaan sa regional government ng Bangsamoro Autonomous Region in Muslim Mindanao (BARMM) at sa mga concerned Local Government Units.

Inatasan din ng pangulo ang Philippine National Police (PNP) at ang Armed Forces of the Philippines (AFP) na tiyakin ang kaligtasan ng mga sibilyan sa lugar.

Nagdagdag na aniya ng dagdag na security personnel doon.

Siniguro ng pangulo na magbibigyan ng hustisya ang mga biktima sa sa nangyari. (DDC)