Elepante sa Manila Zoo na si Mali, pumanaw na

Inanunsyo ni Manila Mayor Honey Lacuna ang pagkamatay ng elepante sa Manila Zoo na si Vishwa Ma’ali o mas kilala bilang si Mali.

Ayon kay Lacuna, pumanaw si Mali 3:45 ng hapon ng Martes, Nov. 28.

Nagsagawa ng necropsy sa elepante upang malaman ang tunay na kadahilanan ng kanyang pagkamatay nito.

Si Mali na isang female Asian elephant ay halos nasa 50 taon na ang edad.

Ayon sa Wikipedia, ipinanganak ito sa Sri Lanka noong 1974.

Taong 1977, noong tatlong taong gulang pa lamang si Mali ay iniregalo ito ng Sri Lankan government kay dating Unang Ginang Imelda Marcos at dinala sa Manila Zoo.

Ayon naman sa Manila Public Information Office, si Mali ay ibinigay sa pangangalaga ng Manila City Government noong May 1981. (DDC)