QC Mayor Joy Belmonte humingi ng paunmahin sa mga motorista matapos pahintuin ang daloy ng traffic dahil sa kaniyang pagdaan

Humingi ng paumanhin sa mga naabalang motorista si Quezon City Mayor Joy Belmonte makaraang pahintuin ng mga traffic enforcer ang daloy ng traffic sa kaniyang pagdaan sa Katipunan kanto ng Aurora Blvd.

Sinabi ng alkalde na nagkaroon ng hindi pagkakaunawaan sa nangyari.

Dumalo si Belmonte sa ribbon cutting sa isang coffee shop sa Katipunan Ave., at sa pagdaan ng kaniyang sasakyan sa kanto ng Aurora Blvd. ay pinahinto umano ng traffic enforcer ng MMDA ang daloy ng traffic.

Ito ay kahit sumenyas na aniya ang kaniyang mga tauhan na hindi ito nararapat.

Kaugnay nito ay inatasan ni Belmonte ang DPOS, TTMD at iba pang ahensya ng lokal na pamahalaan na makipag-ugnayan sa MMDA at talakayin ang pagrepaso at pagsasaayos sa traffic protocol sa mga kahalintulad na pagkakataon. (DDC)