MMDA Motorcycle Riding Academy nakatanggap ng donasyong 20 motorcycles sa Dingdong PH
Nagdonate ng dalawampung motorsiklo ang Market Innovators Inc. o Dingdong PH na isang ride-hailing app para sa Metropolitan Manila Development Authority (MMDA) Motorcycle Riding Academy.
Ang mga donasyong motorsiklo at 20 pang motorcycle vest ay bahagi ng pagsuporta ng nasabing kumpanya sa layunin ng MMDA na mabawasan ang mga aksidente sa kalsada.
Nagpasalamat si MMDA Acting Chairman Atty. Don Artes sa Market Innovators Inc. sa ipinagkaloob na donasyon na aniya’y magiging parte ng pagtuturo ng tamang disiplina sa daan.
Nagpasalamat din si Em Marc Paul Raro, Head of Operations ng Market Innovators, Inc. at nagpahayag ng commitment para maisakatuparan ang mga layuning may kinalaman sa public safety at road safety. (Bhelle Gamboa)
