Pag-iral ng number coding suspendido bukas, Nov. 20

Sinuspinde ng Metropolitan Manila Development Authority (MMDA) ang pag-iral ng number coding bukas araw ng Lunes, Nov. 20.

Bunsod ito ng ikinakasang tigil pasada ng transport group na PISTON.

Ayon sa MMDA, hindi muna ipatutupad ang number coding sa araw ng Lunes.

Paalala naman ng MMDA, planuhing mabuti ang pagbiyahe.

Mas mainam din na ipagpaliban na lamang ang pagbiyahe kung wala namang importanteng lakad.

Inaasahan kasi ang mas mabigat na daloy ng trapiko dahil sa pansamantalang suspensiyon ng number coding scheme. (DDC)