Dating Senator Leila De Lima balak bumalik muna sa pribadong sektor

Matapos makalaya ay plano ni dating Senator Leila de Lima na bumalik mula sa pribadong sektor.

Sa panayam ng programang “Pulsong Pinoy” sa Radyo Pilipino kay Atty. Dino De Leon, legal counsel ni dating Senator Leila De Lima, kailangan din ng dating senador na kumita ng pera at isa sa tinitignan nito sa ngayon ay bumalik sa law practice.

Matapos makalaya sinabi aniya ni De Lima na kailangan niyang muling ibangon ang kaniyang buhay at reputasyon na nawasak dahil sa mga gawa-gawang kaso laban sa kaniya.

Sinabi din ni De Leon na napatawad na ni De Lima ang lahat ng nasa likod sa political persecution” laban sa kaniya maliban lamang kay dating Pangulong Rodrigo Duterte na siyang “chief architect” ng lahat.

“Anim na taon ang nawala sa buhay niya, sinira ang kaniyang reputasyon, she will have to rebuild her life,” ayon kay De Leon.

Para kay De Leon, kailangang managot sa batas ng lahat ng nasa likod ng pagkakakulong ni De Lima sa loob ng halos ng pitong taon. (DDC)