Resulta ng 2023 Bar Exams ilalabas sa Dec. 5

Ilalabas ng Korte Suprema ang resulta ng 2023 Bar Examinations sa December 5, 2023.

Ang pagpapalabas ng resulta ay gagawin sa pamamagitan ng public announcement sa Supreme Court Main Building sa Padre Faura sa Maynila.

Ipalalabas din ang resulta sa LED walls sa courtyard ng SC kung saan ipakikita ang Successful Examinees hanggang 6:00 ng gabi.

Bubuksan ang gate ng Supreme Court Main Building sa publiko mula alas 12:00 ng tanghali hanggang 6:00 ng gabi.

Sa mga magtutungo sa SC, inabisuhan sila na sumunod sa dress code.

Ilalabas din ng SC ang resulta ng Bar Exams sa official social media pages ng Korte Suprema sa X, Threads, Facebook, at Instagram.

Una ng sinabi ng SC na ang Oath Taking and Roll Signing Ceremonies sa mga makapapasang examinees ay gagawin sa December 22, 2023 sa SMX Convention Center sa Pasay City. (DDC)