Col. Bong Nebrija pinatawan ng suspensyon ng MMDA

Pinatawan ng suspensyon ng Metropolitan Manila Development Authority (MMDA) si Task Force Special Operations chief Bong Nebrija.

Ito ay kasunod ng pagkakadawit ng pangalan ni Senator Bong Revilla Jr. sa isang sasakyang lumabag sa EDSA Bus Lane policy.

Itinanggi ng senador na lulan siya ng sasakyan na dumaan sa nasabing kalsada.

Ayon kay MMDA chairman Romando Artes, mananatili ang preventive suspension kay Nebrija habang nagsasagawa ng imbestigasyon ang ahensya.

Sesentro ang imbestigasyon sa kakulangan sa panig ng enforcer na nagsabi kay Nebrija na sakay ng sasakyan si Revilla.

Ire-review din ng MMDA ang CCTV para ma-trace ang may-ari ng sasakyan at masampahan ito ng reklamo sa Land Transportation Office (LTO). (DDC)