Dagdag na P30 sa sahod ng mga manggagawa sa Bicol Region, epektibo sa Dec. 1
Simula sa Dec. 1, 2023 madaragdagan ng P30 ang minimum wage ng mga manggagawa sa Bicol Region.
Sa bisa ng Wage Order, mula sa kasalukuyang P365 ay magiging P395 na ang minimum wage sa rehiyon para sa lahat ng sektor at establisyimento.
Kasama ding tataas ang sweldo ng mga Domestic Workers o kasambahay sa rehiyon.
Simula sa Dec. 1, magiging P5,000 na ang buwanang sweldo ng mga kasambahay sa Region 5 mula sa kasalukuyang P4,000. (DDC)
