U.S. umapela sa mabilis na pagresolba ng natitira pang kaso vs De Lima

Ikinalugod ng Estados Unidos ang pagpayag ng korte sa Pilipinas na makapagpiyansa at makalaya si dating Senador Leila de Lima.

Sa pahayag ni Matthew Miller, tagapagsalita ng U.S. Department of State, welcome development ang paglaya ni De Lima matapos ang halos pitong taon na pagkakakulong ng dahil sa “politically motivated drug charges”.

Ayon kay Miller, hinihikayat ng U.S. ang Pilipinas na resolbahin na ang nalalabi pang mga kaso laban kay De Lima.

Ito ay sa pamamaraan na naaayon sa international human rights obligations at commitments ng bansa. (DDC)