Dating Senador Leila de Lima pinayagang magpiyansa ng korte
Pinayagan ng korte sa Muntinlupa City na makapaglagak ng piyansa para sa kaniyang kalayaan si dating Senador Leila de Lima.
Sa isinagawang pagdinig ng Muntinlupa City Regional Trial Court Branch 206, pinaburan nito ang motion for bail ni de Lima.
Pinaglalagak si De Lima ng P300,000 na piyansa para sa kaniyang paglaya.
Anim na taon ng nakakulong si De Lima dahil sa tatlong magkakahiwalay na kasong may kaugnayan sa ilegal na droga.
Dalawa sa nasabing kaso ay ibinasura na ng korte. (DDC)
