P1.3M na halaga ng shabu nakumpiska sa buy-bust sa QC

Aabot sa mahigit P1.3 million na halaga ng shabu ang nakumpiska ng mga otoridad sa ikinasang buy-bust operation sa Brgy. Tatalon sa Quezon City.

Ikinasa ang operasyon ng mga operatiba ng Special Operations Unit-NCR, Philippine Drug Enforcement Group (PDEG), Philippine Drug Enforcement Agency – NCR, at Quezon City Police District.

Naaresto sa nasabing operasyon ang mga suspek na sina Lirio Mercurio Magdaraog, 51-anyos at Enrico Alcantara Espinosa, 53-anyos.

Nakumpiska sa kanila ang humigit-kumulang 200 grams ng shabu, isang cellphone, at ang ginamit na marked money.

Inihahanda na ng mga otoridad ang isasampang kaso laban sa dalawa. (DDC)