P7M na halaga ng kanin nasasayang kada taon ayon sa PhilRice
Dalawang kutsara ng kanin ang nasasayang ng bawat Pilipino kada araw, ayon sa pag-aaral ng Philippine Rice Research Institute (PhilRice).
Sa isang press briefing sinabi ni PhilRice Deputy Executive Director Dr. Karen Barroga, kung susumahin ang halaga nito ay aabot ito sa P7.2 million kada taon.
Ayon kay Barroga kung tutuusin kaya na nitong mapakain ang 2.5 million Filipino.
Kaugnay nito ay umapela ang opisyal sa publiko na kumuha ng lang ng sapat na kanin na kayang ubusin.
Sa ngayon sinabi ni Barroga na mayroong 46 na local government units ang nagpapatupad ng ordinansa tungkol sa pagse-serve ng half cup ng rice. (DDC)
