Problema sa sektor ng livestock at poultry ilalatag ng Agap Party-list sa bagong DA secretary

Hihiling ng pulong ang Agap Party-list sa bagong talagang si Department of Agriculture (DA) Sec. Francisco Tiu Laurel Jr.

Sa isang panayam sinabi ni Agap Party-list Rep. Nick Briones, nais nilang ipahatid kay Laurel ang mga problemang bumabalot sa sektor ng livestock and poultry.

Naniniwala din si Briones na dapat mabigyan ng mas mataas na budget ang DA para matulungan ang mga magsasaka.

Sa ngayon ani Briones, nasa pangwalo ang DA na may pinakamababang budget sa mga ahensya ng gobyerno.

Isa din sa dapat matugunan ng bagong kalihim ng DA ay ang unlimited importation at smuggling ng mga agricultural products.

Welcome naman sa Agap Party-list ang pahayag ni Laurel na plano nitong pagkakaroon ng Bureau of Agriculture Statistics.

Ani Briones, kung mayroong tamang datos ay tama din ang magiging mga hakbang at aksyon sa mga problema sa sektor ng agrikultura. (DDC)