40 Pinoy ligtas na nakatawid mula Gaza patungong Egypt
Ligtas na nakatawid mula Gaza patungong Egypt ang 40 Pinoy sa pamamagitan ng Rafah Crossing.
Sa kaniyang video message, pinasalamatan ni Pangulong Ferdinand Marcos Jr. ang Department of Foreign Affairs (DFA) at iba pang Philippine authorities sa kanilang ginawang hakbang para matulungan ang mga Pinoy.
Ayon sa pangulo sa susunod na mga araw ay maipoproseso na ang pag-uwi sa bansa ng nasabing mga Pinoy.
Mula Cairo, Egypt ay bibiyahe sila pauwi ng Pilipinas.
Pinasalamatan din ng pangulo ang pamahalaan ng Egypt sa pagbibigay-prayoridad sa mga Pinoy.
Kinilala din ng pangulo ang mediation effort ng Qatar na naging dahilan upang magbukas muli ang mga borders ng mga naturang bansa.
Ayon sa pangulo umaasa siyang ang natitirang mga kababayan na nagnanais ding makauwi ay makakatawid mg maayos, kasama ang kanilang mga mahal sa buhay. (DDC)
