60 pang Pinoy galing Israel dumating sa bansa

Dumating sa bansa ang ikaapat na batch ng mga OFW returnees galing ng Israel.

Dumating ang 60 OFWs kasama ang 2 sanggol sa Ninoy Aquino International Airport (NAIA) Terminal 3 sa Pasay City, hapon ng Lunes, October 30, 2023.

Sinalubong sila nina House Committee Chair on Overseas Workers Affairs Rep. Ron Salo, DMW Officer-in-Charge Hans Leo J. Cacdac, Undersecretary Eduardo De Vega, OWWA Administrator Arnell Ignacio, at iba pang mga opisyal.

Ang mga umuwing OFW ay tumanggap ng iba’t ibang tulong mula sa pamahalaan.

Binigyan din sila ng food packs, care kits, personal hygiene, at infant care items.

Ayon sa DMW, umabot na sa 119 overseas Filipino workers galing Israel ang ligtas na nakauwi sa bansa. (DDC)