Pangulong Marcos bumoto sa Batac City, Ilocos Norte

Bumoto si Pangulong Ferdinand R. Marcos Jr. sa Mariano Marcos Memorial Elementary School sa Batac City, Ilocos Norte.

Ayon sa Presidential Communications Office (PCO), dumaan sa normal na proseso ang pangulo at hindi binigyan ng special treatment.

Nagbitbit din ang pangulo ng kodigo para sa listahan ng kaniyang mga iboboto at pumila sa oras na kailangan na niyang ihulog ang kaniyang balota.

Ayon sa pangulo mahalaga ang pagpili ng kandidatong mamumuno sa komunidad.

Binigyang-diin nito ang kahalagahan ng tungkuling gagampanan ng mga nanalong barangay officials dahil sila ang kakatawan sa pinakamaliit na unit ng local government. (DDC)