Las Piñeros pinag-iingat sa mga pekeng accounts
Pinag-iingat ng Pamahalaang Lungsod ng Las Piñas ang mga Las Piñeros laban sa nagkalat na pekeng accounts sa social media.
Ang paalalang ito ng lokal na pamahalaan ay kasunod ng mga kumakalat na pekeng accounts gamit ang pangalan ng alkalde ng Las Piñas na si Mayor Imelda T. Aguilar.
Marapat na maging mapanuri ang mga Las Piñeros upang maiwasang mabiktima ng mga modus sa online at pagkalat ng maling mga impormasyon sa publiko.
“Tiyaking naka-follow sa opisyal na Facebook Page ni Mayor Mel Aguilar at protektahan ang inyong mga personal na impormasyon sa mga mananamantalang fake accounts upang maiwasang maging biktima sa anumang online modus,” saad sa abiso ng Las Piñas LGU. (Bhelle Gamboa)
