MRT-3 tuluy-tuloy ang operasyon sa Barangay at SK Elections at sa panahon ng Undas

Magpapatuloy ang operasyon ng MRT-3 sa darating na Barangay at SK elections at panahon ng Undas upang mapagserbisyuhan ang mga pasahero.

Ayon sa abiso ng MRT-3, regular weekday schedule ang ipatutupad ng linya para sa Oktubre 27, 31, at Nobyembre 3.

Ang unang biyahe ng tren mula North Avenue ay aalis ng 4:30AM at 5:05AM naman ang first trip sa Taft Avenue.

Ang last trip naman ay 9:30PM sa North Avenue at 10:09PM sa Taft Avenue.

Samantala, weekend schedule naman ang iiral para sa Oktubre 28 at Nobyembre 4.

Ang first trip ay 4:37AM sa North Avenue at 5:18AM sa Taft Avenue.

Ang last trip naman ay 9:30PM sa North Avenue at 10:08PM sa Taft Avenue.

Habang regular holiday schedule ang ipatutupad sa Oktubre 29-30, Nobyembre 1-2, at 5.

Ang first trip ay 4:38AM sa North Avenue at 5:19AM sa Taft Avenue.

Ang last trip naman ay 9:30PM sa North Avenue at 10:09PM sa Taft Avenue. (DDC)