Sanggol inabandona malapit sa Calbayog Airport, naibalik sa kaniyang pamilya

Isang sanggol ang inabandona sa Brgy. Trinidad, Calbayog City malapit lamang sa Calbayog Airport.

Sa ulat mula sa Calbayog City Police Station, dinala sa kanilang himpilan ng isang concerned citizen ang sanggol matapos umano itong makita na inabandona sa kanilang lugar.

Ang mga police on-duty na sina PSSg Mary Jane Villezar at PSSg Jinky Pallones ang tumanggap sa bata ng dalhin ito sa police station.

Agad ding nagsagawa ng koordinasyon ang Calbayog City police sa City Social Welfare and Development Office para mahanap ang pamilya ng bata.

Natagpuan naman ang pamilya nito sa Brgy. San Policarpo, Calbayog City at matapos ang ginawang beripkasyon ay nai-turn over ang sanggol sa kaniyang pamilya. (DDC)