Motor Tanker nasunog habang naka-angkla sa Batangas
Isa ang patay matapos masunog ang isang motor tanker habang naka-angkla sa Alpha Anchorage Area sa lalawigan ng Batangas.
Rumesponde ang mga tauhan ng Coast Guard Station Batangas matapos makatanggap ng ulat hinggil sa nasusunog na Motor Tanker Sea Horse umaga ng Linggo, Oct. 22.
Agad nagsagawa ng operasyon ang BRP Bagacay, Bureau of Fire Protection at Provincial Disaster Risk Reduction Managament Office para apulahin ang apoy.
Ayon sa PCG, isa ang naitalang nasawi sa naturang insidente.
Inaalam pa ang pagkakakilanlan ng biktima.
Nakipag-ugnayan naman ang Marine Environmental Protection Group Batangas sa Petron Company para mag-standby ng oil spill boom kung sakaling nagdulot ng oil spill ang naturang insidente. (DDC)
