Mahigit 7,000 kandidato sa BSKE naisyuhan ng show cause order ng Comelec dahil sa premature campaigning
Mahigit 7,000 kandidato sa Barangay at Sangguniang Kabataan Elections (BSKE) ang naisyuhan ng show cause order ng Commission on Elections (Comelec) dahil sa premature campaigning.
Sa update na inilabas ng Task Force Anti-Epal ng Comelec, 7,103 na kandidato ang naisyuhan na ng SCO dahil sa premature campaigning at 164 naman dahil sa illegal campaigning.
Sa mga kandidatong naireklamo ng SCO, mayroong 327 ang napadalhan na ng subpoena ng Comelec.
Samantala ayon sa Comelec, mayroon ng 149 na Petitions for Disqualification ang kanilang natanggap. (DDC)
