Website ng Kamara muling nag-offline
Pagkatapos maibalik ay muling nag-offline ang website ng House of Representatives.
Ayon kay House Secretary General Reginald Velasco, boluntaryo nilang inalis muna ulit ang website dahil sa na-detect na kahina-hinala at unusual activities sa kabila ng mga ipinatupad na security enhancements.
Sinabi ni Velasco na kailangang magsagawa ng double checking at magpatupad muli ng cybersecurity measures.
Pangunahing concern aniya ng Kamara ang masiguro ang integridad at reliability ng digital platform. (DDC)
