P510K na shabu kumpiskado sa drug-bust operation sa Cebu City

Mahigit kalahating milyon pisong halaga ng iligal na droga ang nakumpiska ng kapulisan mula sa drug suspek na nahuli sa buy-bust operation sa Sitio San Miguel Brgy. Apas, Cebu City.

Ang operasyon ay ikinasa ng mga tauhan ng City Intelligence Unit at City Drug Enforcement Unit ng Cebu City Police Office.

Naaresto ang suspek na si ‘John Ray’, 29-anyos matapos mapagbentahan ng droga ang police poseur-buyer.

Nasamsam mula rito ang nasa 75 gramo ng hinihinalang shabu na aabot nag halaga sa P510,000.

Nabatid na ang suspek ay napabilang sa talaan ng Top 10 Priority Target sa rehiyon.

Nakakulong na ito sa Custodial Facility ng CCPO habang inihahanda na ang mga kaukulang kaso na isasampa laban sa kaniya. (DDC)