Pangulong Marcos nakiramay sa naulila ng Pinoy na nasawi sa Israel
Nagpaabot ng pakikiramay si Pangulong Ferdinand Marcos Jr. sa asawa ng Pinoy na nasawi sa sa kaguluhan sa Israel.
Sa pamamagitan ng tawag sa telepono, tiniyak ng pangulo sa naulilang pamilya ng Pinoy na tutulong ang pamahalaan para mabigyan ng disenteng libing ang biktima sa sandaling humupa na ang sitwasyon sa nasabing bansa.
Ayon sa pangulo aalamin ng pamahalaan ang maaaring gawin upang maiuwi ang mga labi ng biktima.
Inatasan na ni Marcos si Philippine Ambassador to Israel Pedro “Junie” Laylo Jr. na masusing makipag-ugnayan sa pamilya ng dalawang nasawing Pinoy.
Ito ay para matiyak na agad maibibigay ang tulong na kanilang kakailanganin. (DDC)
