Noche Buena package mula DSWD, fake news ayon sa ahensya

Hindi totoo ang kumakalat na impormasyon sa social media tungkol sa pamamahagi umano ng noche buena package ng Department of Social Welfare and Development (DSWD).

Ayon sa DSWD,a ng ahensya ay walang programa na namimigay ng Noche Buena Package.

Hindi rin ito nagpo-post ng registration link sa social media para sa mga gustong humingi ng tulong sa ahensya.

Ang “DSWD educational cash assistance” ay hindi opisyal na Facebook page ng ahensya at walang kaugnayan sa Kagawaran.

Umapela ang DSWD sa publiko na maging mapanuri sa mga nababasa sa social media at kilatising mabuti at i-verify muna ang mga nababasa. (DDC)