Pangulong Marcos nagpaabot ng pakikiramay sa mga nasawi sa pag-atake sa Israel

Nagpaabot ng pakikiramay si Pangulong Ferdinand Marcos Jr. sa pamilya ng mga nasawi sa pag-atake na naganap sa Israel.

Sa kaniyang mensahe na ibinahagi sa Facebook page ng Presidential Communications Office (PCO), sinabi ng pangulo na nakikisimpatya ang Pilipinas sa mga naulila.

Kinondena din ng pangulo ang pag-atake kung saan nadamay maging ang civilian populations.

Matapos ang deklarasyon ng giyera ng pamahalaan ng Israel, sinabi ng pangulo na nauunawaan ng Pilipinas ang karapatan ng nasabing bansa sa self-defense bunsod ng nagaganap na external aggression na kinikilala din naman ng United Nations Charter. (DDC)