24/7 Task Force Israel Help Desk inilunsad ng DMW
Masusing binabantayan ng Department of Migrant Workers (DMW) ang kondisyon ng mga Overseas Filipino Workers (OFWs) sa Israel.
Naglunsad ng 24/7 Task Force Israel Help Desk ang ahensya katuwang ang Overseas Workers Welfare Administration (OWWA).
Ito ay para matiyak ang agarang tulong sa mga OFW na maaaring maapektuhan ng “State of War Alert” sa Israel.
Para sa mga OFW at kanilang pamilya na mayroong concern o katanungan, maaaring makipag-ugnayan sa numerong +6321348 sa Viber at Whatsapp.
Maaari ding tumawag sa sumusunod na cellphone number:
+639083268344
+639271478186
+639205171059
Sa huling impormasyon na natanggap ng DMW mula sa Filipino Community sa Israel, nananatiling kalmado at accounted ang lahat ng Pinoy doon. (DDC)
