Gilas Pilipinas nakauwi na ng bansa matapos ang tagumpay sa Asian Games
Nakabalik na ng bansa ang Philippine Basketball team matapos masungkit ang gintong medalya sa Asian Games sa Hangzhou, China.
Sinalubong ang team ng mga opisyal mula sa Philippine Sports Commission (PSC).
Binati ni PSC Executive Director Paulo Francisco Tatad ang tagumpay ng team at kinilala ang kanilang selfless at historic contribution sa bansa.
Nagwagi ang Gilas Pilipinas ng gintong medalya sa Asian Games matapos talunin ang koponan ng Jordan.
Ito ang unang gintong medalya ng Pilipinas sa basketball sa Asian Games simula noong 1962 o 61-taon.
Una ng binati rin ni Pangulong Ferdinand Marcos Jr. ang Gilas Pilipinas sa kanilang tagumpay. (DDC)
