Pamamahagi ng bigas sa 4Ps beneficiaries sa Roxas City pinangunahan ni Pang. Marcos

Pinangunahan ni Pangulong Ferdinand Marcos Jr. ang pamamahagi ng bigas sa mga benepisyaryo sa Roxas City, Capiz.

Bahagi ito ng nagpapatuloy na hakbang ng pamahalaan upang mapaigting ang food security sa bansa.

Nasa 1,000 sako ng bigas ang ipinamahagi ng pangulo sa mga benepisyaryo ng Pantawid Pamilyang Pilipino Program (4Ps) ng
Department of Social Welfare and Development’s (DSWD).

Ang mga ipinamahaging premium rice ay bahagi ng 42,180 na sako ng smuggled na bigas na nakumpiska ng Bureau of Customs – Port of Zamboanga (BOC-POZ) sa Zamboanga City.

Ang mga nakumpiskang bigas ay ibinigay ng BOC sa DSWD para maipamahagi. (DDC)