Kaligtasan ng mga mangigisdang Pinoy dapat tiyakin ng pamahalaan

Umapela sa pamahalaan ang grupong “PAMALAKAYA” na gumawa ng mga hakbang para masiguro ang kaligtasan ng mga mangigisdang Pinoy.

Kasunod ito ng pagkasawi ng tatlong mangingisdang Pinoy matapos na mabangga ng dayuhang Oil Tanker ang kanilang sinasakyang bangka.

Binisita ng mga kinatawan ng PAMALAKAYA ang burol ng tatlong nasawing mangingisda na sina Romeo Mejico Jr., Dexter Laudencia, at Benedicto Olandria.

Tiniyak ng naturang grupo sa pamilya ng mga nasawi na tutulong sila upang makamit ang hustisya ng mga biktima. (DDC)