Pag-iral ng price cap sa bigas binawi na ni Pang. Marcos

Binawi na ni Pangulong Ferdinand Marcos Jr. ang umiiral na price ceiling sa bigas.

Inanunsyo ito ng pangulo sa kaniyang pagdalo sa pamamahagi ng benepisyo para sa conditional cash transfer program sa Taguig City.

Bago ito ay nakipagpulong si Pangulong Marcos sa mga opisyal ng Department of Agriculture (DA) at Department of Trade and Industry (DTI).

Sa nasabing pulong, nagpresenta ng ulat sa pangulo ang dalawang ahensya kung saan ipinakita ang mga dahilan para bawiin na ang Executive Order No. 39.

Magugunitang pinairal ni Pangulong Marcos ang price cap sa bigas noong Sept. 5 dahil sa patuloy na pagtaas ng presyo nito. (DDC)