100 percent implementation ng kanilang online platform target ng LTO

Target ng Land Transportation Office (LTO) na 100 percent nang maipatupad ang paggamit ng online platform sa mga transaksyon sa ahensya.

Ayon kay LTO chief Assistant Secretary Atty. Vigor D. Mendoza II, sa katapusan ng buwan ng Oktubre ay maaaring makamit na ang full implementation ng Land Transportation Management System (LTMS).

Ito ay bilang tugon sa direktiba ni Transportation Secretary Jaime Bautista.

Sinabi ni Mendoza na may bubuuing technical working group na sesentro sa LTMS.

Kinausap na din ni Mendoza ang mga regional director ng LTO at mga district officer sa layuning magamit ng publiko ang LTMS sa mga transaksyon sa ahensya.

Ang LTMS ay one-stop online shop kung saan layong gawing onlilne ang mga serbisyo ng LTO. (DDC)