Hawksbill Sea Turtle natagpuang patay sa Mulanay, Quezon
Isang “hawksbill” sea turtle ang natagpuan patay sa baybaying dagat na sakop ng Brgy. Sta. Rosa, Mulanay, Quezon.
Ayon sa Mulanay LGU, ang pawikan ay may habang 19 inches at may lapad na 18 inches.
Natagpuan ito sa sea wall ng Bondoc Peninsula Agricultural High School at agad na ipinagbigay alam kay Ma. Joelda A. Tadeja, ang ESWM Focal Person ng LGU Mulanay.
Ayon kay Ellaine Gadela, Alternate Wildlife Focal Person ng CENRO Catanauan, ang pawikan ay isang uri ng hawksbill sea turtle na tinatayang ang edad ay nasa 6-8 years old. (DDC)
