Pagkasawi ng isang OFW sa Saudi Arabia kinumpirma ng DMW

Kinumpirma ng Department of MIgrant Workers (DMW) ang pagkasawi ng isang Overseas Filipinow Worker (OFW) sa Saudi Arabia.

Ang OFW na si Marjorette Garcia ay nagtrabaho sa Saudi mula 2021 bilang domestic worker.

Unang napaulat na si Garcia ay natagpuang walang buhay sa loob ng bahay ng kaniyang amo na may tama ng saksak sa katawan.

Ang kanilang Migrant Workers Office sa Al-Khobar at ang Overseas Workers Welfare Administration (OWWA)m gayundin ang Philippine Embassy ay nakikipag-ugnayan na sa mga otoridad sa kanilang imbestigasyon.

Inaayos na din ng pamahalaan ang pag-uwi sa mga labi ni Garcia.

Kaugnay nito ay nagpaabot ang DMW ng pakikiramay sa mga naulila ng OFW.

Ang 32-anyos na si Garcia ay tubong Pangsinan.

Sept. 15 pa ng huling nakausap ng kaniyang mga kaanak dito sa Pilipinas ang OFW. (DDC)