Mahigit P1M halaga ng shabu nakumpiska sa high value individual sa CDO City

Inaresto ng mga otoridad sa isang operasyon sa Cagayan de Oro City ang isang high value individual.

Ang operasyon ay ikinasa ng mga tauhan ng Philippine Drug Enforcement Group (PDEG) katuwang ang Regional Mobile Force Company 10 sa New Road, Barangay Macabalan.

Sa nasabing operasyon ay naaresto ang suspek na si Mamosaka Gamboa alyas Boss.

Nakumpiska sa suspek ang humigit kumulang 150 grams ng hinihinalang shabu na mayroong Standard Drug Price na P1,020,000.

Dinala ang suspek at ang mga ebidensyang nakumpiska sa Police Station 5, Cagayan de Oro City Police Office. (DDC)