Scammer pagala-gala sa Las Piñas; publiko pinag-iingat
Pinag-iingat ng Pamahalaang Lungsod ng Las Piñas ang publiko sa modus ng isang gumagalang scammer upang makapangikil ng pera.
Ayon sa babala ng lokal na pamahalaan kabilang sa modus ng scammer ang pagpapakita ng isang pekeng paanyaya para sa beauty pageant na naglalaman ng pekeng pirma o lagda ng alkalde ng lungsod na si Mayor Imelda T. Aguilar.
Pinaalalahanan ang publiko na maging mapanuri at agad ipagbigay alam sa otoridad ang alin mang kahina-hinalang personalidad sa mga linya ng teleponong:
@Pulis Las Piñas: 0998-5987928/0947-4622859, (02) 8832-6422/8808-7395/8525-8403. (Bhelle Gamboa)
