P125M na halaga ng confidential fund ginastos ng OVP sa loob ng 11-araw
Sa loob lamang ng labingisang araw ay ginastos ng Office of the Vice President (OVP) ang P125 million na halaga ng confidential fund.
Ayon kay Marikina City 2nd Dist. Rep. Stella Quimbo, labis niyang ikinagulat ng madinig ang isiniwalat ni ACT Teachers Rep. France Castro na ang nasabing halaga ay ginastos ng OVP sa loob ng 19 na araw.
Kaya naman nakipag-ugnayan siya sa Commission on Audit (COA) at sinuri ang mga report at doon niya natuklasan na sa halip na 19 na araw ay 11 araw lamang ginastos ang nasabing halaga.
Sa panig ng OVP sinabi ng tagapagsalita nito na si Reynold Munsayac na wala pa silang natatanggap na kopya ng audit observation memorandum (AOM) mula sa COA. (DDC)
