Pangulong Marcos namahagi ng bigas sa 4Ps beneficiaries sa Zamboanga City

Pinangunahan ni Pangulong Ferdinand R. Marcos Jr. ang pamamahagi ng 1,500 na sako ng premium quality rice sa mga benepisyaryo ng Pantawid Pamilyang Pilipino Program (4Ps) sa Zamboanga City.

Ginawa ito ng pangulo kasabay ng kaniyang pagbisita sa warehouse ng National Food Authority (NFA)-Region IX araw ng Martes (Sept. 19).

Ang mga ipinamahaging bigas ay bahagi ng 42,180 na smuggled rice na nakumpiska ng Bureau of Customs (BOC) – Port of Zamboanga sa sinalakay na warehouse sa Barangay San Jose Gusu sa nasabing lungsod.

Ang P42 million na halaga ng mga smuggled na bigas ay ibinigay ng BOC sa DSWD para maimapahagi sa mahihirap na pamilya. (DDC)