Negros Oriental, isasailalim sa Comelec control sa pagdaraos ng Barangay at SK elections
Tuloy ang pagdaraos ng Barangay at SK elections sa lalawigan ng Negros Oriental sa Oct. 30, 2023.
Ayon kay Comelec Chairman George Erwin Garcia, ang buong lalawigan ng Negros Oriental ay isasailalim sa Comelec control.
Ito ay para masiguro ang mapayapa at maayos na pagdaraos ng eleksyon.
Lumakas ang panawagan na suspendihin ang barangay elections sa Negros Oriental kasunod ng pagpatay kay dating Gov. Roel Degamo at 9 na iba. (DDC)
