Link at FB Page kung saan maaaring magsumbong at magreklamo kaugnay sa BSKE 2023 inilabas ng Comelec

Naglabas ang Commission on Elections (Comelec) ng link at Facebook Page kung saan maaaring direktang magsumbong ang netizens ng mga makikita nilang paglabag kaugnay sa Barangay at SK elections.

Ang Anti-Epal Task Force ng Comelec ay tatanggap ng mga reklamo kaugnay sa premature o early campaigning at illegal campaign materials gaya ng mga oversized campaign posters.

Maliban sa Facebook Page ng Task Force, nagbigay din ng link ang Comelec na nakadirekta sa Google forms kung saan maaaring isumite ang sumbong o reklamo. https://forms.gle/Yvwf1xknwD5bCQgY6

Apela ng Comelec sa publiko, makiisa sa pagtaguyod ng responsableng pangangampanya para sa October 30, 2023 Barangay at Sangguniang Kabataan Elections. (DDC)